Գործընկերություն

ԱՍԲԱ հիմնադրամը ձևավորել է լայն գործընկերային կապեր:

 Մեր ինստիտուցիոնալ գործընկերներն են.
“Վոնբրոն”, “Գրուն Վեստ” սոցիալական բնակարանային կորպորացիաները (Նիդերլանդներ), PUM-Նիդերլանդների Ավագ Փորձագետները, ՄԱԶԾ գրասենյակը Հայաստանում

Մեր ֆինանսական և ներդրումային գործընկերն է.
 Հոլանդական միջազգային բնակարանային երաշխիքներ՝ DIGH հիմնադրամը (Նիդերլանդներ)

Հայաստանում մեր գործընկեր քաղաքապետարաններն են.
Դիլիջանի, Հրազդանի, Վեդու, Աշտարակի, Վանաձորի և Ալավերդու քաղաքապետարանները, որոնց հետ կնքվել են համաձայնագրեր բնակարանային ներդրումային ծրագրերի իրականացման նպատակով

Մեր անդամակցությունը.
2013թ.-ից ԱՍԲԱ-ն Housing Europe Եվրոպական բնակարանային կազմակերպությունների դաշինքի ասոցացված անդամ է

ԱՍԲԱ-ն դիտարկում է համագործակցության զարգացումը որպես իր առաքելության և ռազմավարության իրականացման հիմնական ուղի և փնտրում է գործընկերների, որոնք շահագրգռված կլինեն զարգացնելու երկրում կայուն սոցիալական և մատչելի բնակարանների ոլորտը, երկարատև փոփոխություն իրականացնելու հարյուր հազարավոր ընտանիքների կյանքում և աջակցելու Հայաստանի համայնքների կայուն զարգացմանը:

Համագործակցության համար մենք առաջարկում ենք, սակայն չենք սահմանափակվում հետևյալ հնարավոր ոլորտներով.

• ԱՍԲԱ կազմակերպչական զարգացում, փորձի փոխանակում և նոր գործընկերային կապերի ձևավորում

• Փոխադարձ գիտելիքների զարգացում՝ բնակարանային քաղաքականության մշակման համար

• Նոր բիզնես հնարավորություններ սոցիալական և մատչելի բնակարանների ոլորտում ինչպես Հայաստանում, այնպես էլ տարածաշրջանում

• Նոր ներդրումների, ինչպես նաև մատչելի երկարաժամկետ ֆինանսավորման երաշխիքների հնարավորություններ Հայաստանում իրականացվող բնակարանային ծրագրերում

• Նպատակային աջակցություն ԱՍԲԱ հիմնադրամի շահառու՝ ցածր եկամուտ ունեցող ընտանիքներին, որպես կորպորատիվ սոցիալական պատասխանատվության իրականացում

• Նորարար մոտեցումների կիրառում՝ ներառյալ խնայողական շինարարությունը, էներգախնայողությունը և վերականգնվող էներգիայի օգտագործումը

• Նոր կապերի ստեղծում և համագործակցության ընդլայնում Հայաստանում, Կովկասում և Սևծովյան տարածաշրջանում

ԱՍԲԱ-ի հետ համագործակցելու համար Դուք կարող եք՝

• միանալ առկա գործընկերային ցանցին կամ առաջարկել նորը
• աջակցել առանձին ծրագրերի կամ մատչելի բնակարանների շահառու հանդիսացող ընտանիքներին
• միանալ ԱՍԲԱ հիմնադրամի Խորհրդատվական Խորհրդին
• բաժանորդագրվել մեր տեղեկագրին